Dulmar Guud

Warbixinta Billaha ee Juun 2025 waxay si kooban u soo bandhigaysaa dhacdooyinka, kulammada, iyo howlaha istiraatiijiga ah ee uu hormuudka ka ahaa hogaanka Wasaaradda Qorsheynta, Maalgashiga iyo Horumarinta Dhaqaalaha. Waxay ka tarjumaysaa dadaallada joogtada ah ee lagu xaqiijinayo fulinta Qorshaha Isbeddelka Qaranka (NTP 2025–2029), iyo horumarinta iskaashiga gudaha iyo dibadda ee lagu taageerayo yoolalka Horumarka Waara (SDGs).

Hordhac

Bisha Juun 2025 waxay ahayd bil ay Wasaaraddu xoogga saartay:

• Ka-qaybgalka shirar heer gobol iyo heer caalami ah oo lagu xoojiyay iskaashiga Carabta iyo Bulshada Bariga Afrika.
• Hirgelinta wada-tashiyo muhiim ah oo lala yeeshay hay’adaha caalamiga ah sida WFP iyo Bangiga Horumarinta Afrika.
• Dardargelinta barnaamijyada tababarka iyo tayeynta shaqaalaha, iyadoo mudnaanta la siinayo qorsheynta, kormeerka, qiimeynta iyo u diyaar-garowga mustaqbalka.
• Kobcinta iskaashiga waxbarasho iyo cilmi-baaris iyada oo lala shaqeynayo jaamacadaha dalka.