Dulmar Guud

Warbixinta Janaayo 2025 ee Wasaaradda Qorsheynta, Maalgashiga iyo Horumarinta Dhaqaalaha waxay iftiiminaysaa dadaallada muhiimka ah ee wasaaradda, oo ay ka mid yihiin ansixinta qiimeynta Heshiiska Wada-shaqaynta Qaramada Midoobay (UNCF) si loo waafajiyo Qorshaha Isbeddelka Qaranka (QIQ), diyaarinta shirweyne lagu xoojinayo isla xisaabtanka hay’adaha caalamiga ah, iyo kormeerka Barnaamijka Iskaashiga Adkeysiga (JRP) ee Gobolka Gedo. Wasaaraddu waxay sidoo kale dib u eegis ku sameysay mashaariicda ay maalgeliso Dowladda Jarmalka, xoojisay iskaashiga maalgashiga ee Kuwait, kana qayb gashay shirar goboleed iyo kulamo heer sare oo lala yeeshay QM, oo ay ku jiraan Shirka Guddiga Machadka Qorsheynta Carabta iyo kulamo lagula yeeshay Ku-xigeenka Wakiilka Gaarka ah ee QM si loo hirgeliyo horumar waara. Wasaaradda Qorsheynta Qaranka waxa ka go’an xoojinta iskaashiga, hufnaanta, iyo horumarinta dhaqaalaha Soomaaliya.