Wasiirka Qorsheynta, Maalgashiga iyo Horumarinta Dhaqaalaha Xukuumadda Federaalka Soomaaliya, Mudane Xildhibaan Maxamuud Cabdiraxmaan Sheekh Faarax Beenebeene, ayaa maanta kulan miro dhal ah kula qaatay xarunta dhexe ee wasaaradda, Wakiilka Hey’adda Cunnada Adduunka ee WFP Soomaaliya, Mudane ElKhidir Daloum.
Labada masuul waxaa ay ka wada hadleen horumarka laga sameeyay arimaha la xariira bani’aadamnimada iyo horumarinta kuwaasoo waafaqsan Qorshaha Horumarinta Qaranka.
Waxaa ay sidoo kale ka wada hadleen dadaallada ku aaddan xasilinta ee Ka socda deegaanada laga xureeyay Khawaarijta. Labada dhinac ayaa ugu danbeyntii isla meel dhigay in ay xoojiyan wadashaqeynta iyo iskaashiga ka dhaxeya Wasaaradda iyo WFP Soomaaliya.
