HORDHAC

Bisha Febraayo 2026, Wasaaradda Qorsheynta, Maalgashiga iyo Horumarinta Dhaqaalaha waxay sii xoojisay doorkeeda hogaamineed ee isku-duwidda horumarka qaranka, iyadoo diiradda saartay waafajinta mashaariicda iyo taageerada caalamiga ah ee Qorshaha Isbeddelka Qaranka (NTP 2025–2029).

Intii lagu guda jiray bishan, Wasaaraddu waxay qabatay shirar heer sare ah, kulamo wadatashi, iyo aqoon-isweydaarsiyo istiraatiiji ah oo lagu xoojinayo amniga cuntada, adkeysiga bulshada, nidaamyada kormeerka iyo qiimaynta, iyo horumarinta maalgashiga. Dadaalladan waxay muujinayaan sida Dowladda Federaalka Soomaaliya uga go’an tahay horumar waara, isla-xisaabtan, iyo koboc dhaqaale oo loo dhan yahay.