Shirka bilaha ee hoggaanka Sare ee Wasaaradda Qorsheynta, Maalgashiga iyo Horumarinta Dhaqaalaha XFS ayaa maantay ka qabsoomay xarunta dhexe wasaaradda, iyadoo uu shir guddoomiyey Wasiirka Wasaaradda Qorsheynta Mudane Jamaal Maxamed Xasan oo uu weheliyo Agaasimaha Guud Mudane Asad Yusuf.
Qodobadda shirka ugu muhiimsana waxaa ka mid ahaa in waaxyaha Wasaaradda laga dhageystay warbixino la xariiro howlaha baaxada leh ee u qabsoomay ee natiijada laga gaaray. Sidoo kale, Taliyaasha Amniga Wasaaradda ayaa laga dhageystay warbixin amniyeed, si loo hubiyo badqabka iyo amaanka guud ee shaqaalaha wasaaradda.
Madaxda sare ee Mashruuca kasoo kabashada xasaradaha Soomaaliya ee SCRP oo ay Wasaaraddu hormuudka ka tahay ayaa Hoggaanka Wasaaradda ka siiyay warbixin ku aaddan geedi socodka Mashruuca iyo yoollalka la gaaray howlgalka mashruucan ahmiyadda wayn u leh dalkeenna.
Ugu dambeyn kullanka waxaa lagu soo bandhigay aragtiyo kala duwan oo lagu horumarinayo shaqooyinka baaxada leh ee Wasaaradda taasoo saldhig u ah yoolka hogaamineed ee Madaxda sare ee Wasaaradda.
