Warbixin Kooban 
Qorshaha Guud ee Siyaasadda Dib-dejinta (RPF) waxaa diyaariyay Dowladda Federaalka Soomaaliya (DFS), wuxuuna ku saabsan yahay Mashruuca Soomaaliyeed ee Biyaha Adkeysiga Miyiga Qaybta II (WRR) ama “BARWAAQO”16.
Ujeedada Horumarinta Mashruuca (PDO) waa in la “horumariyo adeegyada biyaha iyo beeraha ee bulshooyinka xoolo-dhaqato-beeralayda ah ee ku nool deegaannada qallalan ee Soomaaliya”17.

Qorshahaan RPF wuxuu u adeegi doonaa sidii Qaab-dhismeed lagu ogaanayo, wax looga qabanayo, loona yareynayo cawaaqib xumada taban ee ka dhalan karta hirgelinta mashaariic-hoosaadyada ay ku jirto la wareegidda dhul qasab ah iyo dib-u-dejinta qoysaska ay saamaysay18.

Mashruucu wuxuu samayn doonaa Qorshayaal Waxqabad oo Dib-u-dejineed (RAPs) oo goob-gaar ah ama Qorshayaal Dib-u-soo Celinta Nolol-shaqo (LRPs), iyo heshiisyo dhuleed oo dowladdii dhexdhexaadinayso, ka dib marka la go’aamiyo goobaha mashaariic-hoosaadka la hirgelinayo islamarkaana la helo macluumaadka lagama maarmaanka ah19.

Mashruucu wuxuu ka kooban yahay afar qaybood oo waaweyn20:

Qaybta 1-aad: Taageeridda Horumarinta Ilaha Biyaha ee Adeegsiyada Badan21. Qaybtaan waxay ujeedadeedu tahay in la wanaajiyo helitaanka biyaha ee arrimaha guriga, beeraha, iyo xoolaha22.

Qaybta 2-aad: Taageeridda Horumarinta Adeegyada Beeraha iyo Xoolaha ee Goobaha Biyaha Ku Dheer23. Tani waxay taageeri doontaa faragelinno loogu talagalay abuurista iyo xoojinta nolol-shaqo waarta oo wax-soo-saar leh24.

Qaybta 3-aad: Horumarinta Adeegyada Deegaanka ee Meelaha Biyuhu Ka Soo Qulqulaan (Upstream Catchment Services)25. Ujeedadeedu waa in wax lagaga qabto dhibaatooyinka la xiriira daadadka iyo abaaraha iyo in la xoojiyo faa’iidooyinka maareynta waarta ee meelaha biyahy kasoo qulqulaan26.

Qaybta 4-aad: Maareynta Mashruuca, Horumarinta Bulshada iyo Kobcinta Qorsheynta Nolosha, La Socodka iyo Qiimeynta (M&E), iyo Maareynta iyo Barashada Aqoonta27. Qaybtaan waxay maalgelin doontaa kharashaadka shaqada ee cutubyada maareynta mashruuca ee FMS-yada ka qaybgalaya iyo unugga isku-dubbaridka ee heerka DFS28.